احتجاجات أمريكية

احتجاجات أمريكية

المشهد بالشقلوب

كنت مبارح المسا قاعد على البرندا، وإذا بيمر أبو الريم من تحت البيت وبيسلم عليي متل العادة لما يكون راجع من شغلو، لكن هالمرة صف السيارة بالشارع ونزل وقلي: ولك شفت؟ لك شعلانة الدنيا بأمريكا، والله نهاية أمريكا قربت.

قلتلو: أي والله يا أبو الريم الدنيا قايمة قاعدة، الله يساعد الشعب الفقير، تفضل اطلع لنشربك شي شغلة..

قلي الله لا يقيم الأمريكان وانشالله بتخرب أمريكا عالآخر، والله ما بزعل على أي حدا أمريكي، وشكرا منشان العزيمة، بس والله ما بقدر بدي روح تابع شو عم يصير، لازم أعرف كل التطورات بأمريكا، انشالله قربت نهايتن يا رب..

قلتلو: انشالله يا رب بتنهار هالأمبراطورية الأمريكية، بس والله حرام كيف عم يعملو بالسود هنيك، والله بيزعلو حرام هيك العنصرية..

قلي أبو الريم بعصبية: الله لا يردن كلن، انشالله ما بيضل حدا أمريكي عايش، ولا نسيت شو عملو فينا ولاد الكلب.. قلتلو: أعوذ بالله والله ما نسيت.. وتابع وقال: قال سود قال، لك لسا السود عنصريين أكتر من البيض، ولا نسيت الجنود السود بالعراق وبسوريا؟؟
قلتلو: الأسى ما بينتسى يا أبو الريم، بس بدي أسألك، ليش طلعت الأسعار عنا بعد ما صارت المشاكل بأمريكا؟ وليش رجع ارتفع الدولار؟؟

قلي: لاه يا أبو بهيج، مبينة القصة وواضحة، الأمريكان بلشو يشترو دولار، والأسعار ارتفعت عندهم وبما أنو كلو مرتبط بالدولار فالأسعار كمان ارتفعت عنا..
قلتلو: بالله يا أبو الريم تطلع نسقيك كاسة شاي، أو ليك رح تبدأ نشرة الأخبار يا دوب تلحقها.. قلي: اي والله، يالله سلام ..




 

شارك برأيك .. لتكتمل الصورة


استطلاعات الرأي

يجب ان تختار خيار قبل ارسال التصويت
هل تعتقد أن الوقت قد حان لبدء تطبيق الدفع الإلكتروني في سوريا؟
نعم، حان الوقت لبدء تطبيقه وفرضه فوراً وهو ضروري للاقتصاد
لا، يجب إعداد بنية تحتية تقنية ومن ثم البدء بفرضه
لا، غير جاهزين بالوضع الراهن نهائياً لتطبيق الدفع الإلكتروني
النتائج
نعم، حان الوقت لبدء تطبيقه وفرضه فوراً وهو ضروري للاقتصاد
لا، يجب إعداد بنية تحتية تقنية ومن ثم البدء بفرضه
لا، غير جاهزين بالوضع الراهن نهائياً لتطبيق الدفع الإلكتروني

الأكثر مشاهدة هذا الشهر